BIBLIOTEKA ONLINE Watchtower

Bida Tin e Mesun Balor pa Bo Ku E Tin pa Dios?

“Keda den e Amor di Dios”
- 5, 6. Kon e Lei di Moises a indiká ku sanger ta sagrado i sumamente balioso? (Wak tambe e kuadro “Respetá Bida di Bestia.”)
  
  ⁵ Den e Lei di Moises tambe nos ta haña e dos bèrdatnan fundamental akí, esta, ku sanger ta representá bida i ta sagrado. Levítiko 17:10 i 11 ta bisa: “Kualke hòmber . . . ku kome maske ta djis un tiki sanger [òf, “ku kome kualke tipo di sanger,” NW], lo mi pone mi kara kontra e persona ei ku kome sanger, i lo mi kòrt’é kit’é for di meimei di su pueblo. Pasobra bida di e karni ta den e sanger, i mi a duna boso esaki riba altar pa hasi ekspiashon pa boso alma; pasobra ta e sanger ta hasi ekspiashon pa e alma.”a—Wak e kuadro “Sanger Ta Kubri Piká.”
  
  SANGER TA KUBRI PIKÁ
  
  Segun e Palabra di Dios, sanger ta e ekivalente di bida. P’esei den Israel di antigwedat, ora un persona a kibra ku lei di Yehova i a arepentí, e por a ofresé un sakrifisio di bestia riba Dios su altar i lo e no a ser kondená. (Levítiko 4:27-31) E sakrifisio ei a kubri, òf ekspiá, su pikánan, aunke tabata temporalmente.
  
  E palabra tradusí den Beibel komo “hasi ekspiashon” ta transmití e idea di “supstituí” òf “kubri,” manera ora un tapa ta pas presis riba un wea. Klaru ku den kaso di e pikánan di hende, ningun bestia lo por a “kubri,” òf ekspiá, nan perfektamente. Pero e sakrifisionan di bestia a sirbi sí komo un sombra, òf modelo, di e sakrifisio di reskate perfekto ku lo a bini den futuro.—Hebreonan 10:1, 4.
  
  Hesukristu a perkurá e reskate perfekto akí ‘pa medio di e ofrenda di su kurpa ún biaha i pa semper.’ (Hebreonan 10:10) E bida perfekto di Kristu, representá pa su “sanger presioso, manera di un lamchi sin defekto i sin mancha,” tabata un ekivalente eksakto di e bida ku Adam a pèrdè. (1 Pedro 1:19) Pues, di un manera masha bunita i amoroso, Yehova a aktua ku hustisia perfekto i a hasi posibel pa nos haña “liberashon eterno.”—Hebreonan 9:11, 12; Huan 3:16; Revelashon 7:14.

Bida Tin e Mesun Balor pa Bo Ku E Tin pa Dios?

“Keda den e Amor di Dios”
- a E revista Scientific American ta bisa lo siguiente di Dios su deklarashon ku “bida di e karni ta den e sanger”: “Aparte di su nifikashon simbóliko, e deklarashon akí ta bèrdat tambe den sentido literal: tur tipo di sèl di sanger ta nesesario pa bida.”