113 Miderà an’i Jah!+

Manaova fiderana, ry mpanompon’i Jehovah.+

Derao ny anaran’i Jehovah.+

 2 Hisaorana anie ny anaran’i Jehovah+

Manomboka izao ka hatramin’ny fotoana tsy voafetra!+

 3 Hatrany amin’ny fiposahan’ny masoandro ka hatrany amin’ny filentehany,+

Dia hoderaina ny anaran’i Jehovah.+

 4 Nanjary avo noho ny firenena rehetra i Jehovah.+

Ambonin’ny lanitra ny voninahiny.+

 5 Iza no tahaka an’i Jehovah Andriamanitsika,+

Izay monina any amin’ny avo?+

 6 Miondrika hijery ny any an-danitra sy ny etỳ an-tany izy,+

 7 Atsangany hiala amin’ny vovoka+ ny olona ambany,

Ary ny mahantra kosa asandrany avy ao anaty lavaka misy lavenona,+

 8 Mba hiara-mipetraka amin’ny olona ambony,+

Dia ny olona ambony eo amin’ny vahoakany.+

 9 Omeny trano hipetrahana ny vehivavy momba,+

Ka ataony tonga reny falifaly noho ny fananana zanaka maro.+

Miderà an’i Jah!+