(1 Sam. 30:1-6)

Dia inona no nataon’i Davida? Tonga dia ‘niantehitra tamin’i Jehovah Andriamaniny izy ka nahazo hery.’ Ahoana no mety ho nanaovany an’izany? Rehefa nanana olana hoatr’izao i Davida, dia efa fanaony ny nivavaka tamin’i Jehovah mba hahazoana fanampiana, sy nisaintsaina ny fomba nanampian’i Jehovah azy tamin’ny lasa. (1 Sam. 17:37; Sal. 18:2, 6) Hitan’i Davida hoe nila nangataka tari-dalana tamin’i Jehovah izy. Nanontany an’i Jehovah àry izy hoe inona no tokony hataony.