2:23-25—Inona no tian’i Jehovah holazaina tamin’ny hoe: “Hafafiko ho Ahy amin’ny tany [i Jezirela]; ary hamindra fo amin’i Lô-rohama Aho”? Jezirela no anaran’ny zanaka lahimatoan’i Hosea tamin’i Gomera. (Hosea 1:2-4) Ny dikan’io anarana io dia hoe “Hamafy Voa Andriamanitra.” Milaza faminaniana izy io, dia ny hanangonan’i Jehovah ny sisa mahatoky amin’ny vahoakany tamin’ny 537 T.K., sy ny hanaparitahany azy ireo tany Joda toy ny voa nafafy.

Nampiharin’ny apostoly Paoly sy Petera tamin’ny fanangonana ny sisa amin’ny Israely ara-panahy ny Hosea 2:25.—Romanina 9:25, 26; 1 Petera 2:10.