Ary izy nanao tamin’ny feo mafy hoe: ‘Matahora an’Andriamanitra ka omeo voninahitra izy, satria tonga ny ora fitsarany. Koa mivavaha amin’Ilay nanao ny lanitra sy ny tany sy ny ranomasina ary ny loharano.’ ” (Apokalypsy 14:6, 7)

¹⁷ Ampirisihina hatahotra an’i Jehovah, fa tsy hatahotra an’ilay bibidia sy ny sariny, ny tsirairay. Mahery lavitra noho izay mety ho bibidia an’ohatra tarihin’i Satana mantsy i Jehovah. I Jehovah tokoa no namorona ny lanitra sy ny tany, ka fotoana hitsarany ny tany izao! (Ampitahao amin’ny Genesisy 1:1; Apokalypsy 11:18.)

18. Tonga ny ora anaovana inona, araka ny voalazan’ilay anjely nanidina teny afovoan’ny lanitra, ary iza koa no mbola hanao fanambarana?

¹⁸ Voalazan’ilay anjely nanidina teny afovoan’ny lanitra fa tonga ny ora fitsarana. Inona no ho didim-pitsaran’Andriamanitra? Hangorintsina ny sofina rehefa hanambara izany ny anjely faharoa sy fahatelo sy fahefatra ary fahadimy.—Jeremia 19:3.