“Ary nahita ny lanitra nisokatra aho, ary indro nisy soavaly fotsy. Ary antsoina hoe Mahatoky sy Marina ilay nitaingina azy, ary nitsara sy niady mandrakariva araka ny fahamarinana izy.

Apokalypsy 19:11,

5, 6. Midika ho inona: a) ilay “soavaly fotsy”? b) ilay anarana hoe “Mahatoky sy Marina”? d) ny maso toy ny “lelafo”? e) ny “diadema maro”?

⁵ Ady araka ny marina no dikan’ilay “soavaly fotsy”, toy ilay tao amin’ny fahitana momba ny mpitaingin-tsoavaly efatra. (Apokalypsy 6:2) Iza amin’ny zanak’Andriamanitra anefa no ho marina kokoa noho ilay Mpiady mahery? Azo antoka fa i Jesosy Kristy “ilay vavolombelona mahatoky sy marina” io, matoa antsoina hoe “Mahatoky sy Marina.” (Apokalypsy 3:14) Miady izy, mba hampiharana ny didim-pitsarana marin’i Jehovah, satria Mpitsara voatendrin’i Jehovah sy “Andriamanitra Mahery” izy. (Isaia 9:5)