Heviny an’ohatra. Anisan’ireo “boky” an’ohatra ny ‘boky [nosoratan’Andriamanitra]’ (Ek 32:32), “boky fahatsiarovana” (Ml 3:16), ary “bokin’ny fiainana” (Fi 4:3; Ap 3:5; 20:15). Toa boky iray ihany ireo, dia ny “boky” fahatsiarovan’Andriamanitra. Ao no anoratany ny anaran’ireo homeny fiainana mandrakizay (any an-danitra na eto an-tany). Mbola azo ‘vonoina’ anefa ny anarana ao amin’ilay boky. (Ek 32:32, 33; Ap 3:5) Ny anaran’izay olona tsy mivadika ihany àry no ho tavela ao.​—Jereo FIAINANA.

(Klemànta).

Kristianina tsy nivadika, ary niara-niasa mafy tamin’ny apostoly Paoly teo amin’ny fitoriana “ny vaovao tsara”, azo inoana hoe tany Filipy. (Fi 4:3) Betsaka ny olona nanana anarana hoe Klementa tamin’izany, ka tsy voatery hitombina ilay tenin’i Origène hoe ity Klementa ity ihany ilay Clément avy any Roma.