Dacă o gândo că ci sam lașe chancesche peravel amen, te na bâstras că o Iehova țârdea amen peste. (Ioan 6:44) Vo dichel amende șucar buchia cai amen daștil-pe că ci dichas-len. Sa cadea, vo prinjianel mai mișto amaro ilo sar amen. (2 Cron. 6:30) Cadea că, te pachias-les ciaces cana phenel că sam cuci ande lesche iacha. (1 Ioan 3:19, 20) Angla te prinjianas o ciacimos, chichiva mașcar amende cărdeam buchia nasul anda save doșaras amen vi acana. (1 Pet. 4:3) Hai aver creștini zurale ando pachiamos maren-pe vi acana contra lenghe covlimata. Tha so daștis te phenes anda tute? Pachias poiechdata că o Iehova ci daștil te iertil tut? Dacă da, va zuriarela tut o exemplo chichiva manușengo loialo le Iehovasche cai nachle vi von prin cadaia. Iech anda lende sas o apostolo Pavel. Vo sas-lo zurales perado catar pesche covlimata. (Rom. 7:24) Chiar cana falea-les pharo anda le păcatea cai cărdea-len hai boldea-pe, o Pavel phendea anda peste că sas „o mai țâno mașcar le apostoli” hai „o dintuno” mașcar le păcătoși. (1 Cor. 15:9; 1 Tim. 1:15) w24.03 27 ¶5, 6

Anda le buchia nasul cai cărdea-le o rege Ioas, sichioas că si zurales importanto te alosaras amenghe amala cai iubin le Iehovas hai camen te bucurin lesco ilo. Cadala amala va ajutin amen te cheras lașe buchia. Na bâstăr că daștis te cărdios amal codolența cai sile mai phure sau mai tărne tutar. Sar exemplo, o Ioas sas-lo but mai tărno sar pesco amal, o Iehoiada. Vi tu daștis te pușes tut anda le amala cai alosares-len tuche: „Ajutin man te bariarav mânro pachiamos ando Iehova? Zuriaren man te așunav le Devlestar? Ciaiol-len te den duma anda o Iehova hai anda le cuci ciacimata cai sicavel-len i Biblia? Sicaven pachiv caring so phenel o Del? Phenen manghe numai so camav te așunav sau silen tromai te ortosaren man cana greșisarav?”. (Prov. 27:5, 6, 17) O ciacimos si, că dacă che amala ci iubin le Iehovas, ci si tut nevoia lendar. Tha, dacă von iubin le Iehovas, na de-len drom; von va ajutina tut te cheres so si mișto. (Prov. 13:20) w23.09 9 ¶6, 7

„Alfa” si i litera saveaia astarel o alfabeto grecisco, hai „Omega”, si i litera saveaia terminil-pe. Cana phenel anda peste că silo „Alfa hai Omega”, o Iehova ajutil amen te hachiaras că atunci cana astarel iech buchi vo terminil-la. Pala so cărdea le Adamos hai la Eva, o Iehova phendea lenghe: „Aven roditori, butiaon hai pheren i phuv, supunin-la”. Cana cărdea prinjiando i dintuni data pesco scopo, si sar cana o Iehova phenelas „Alfa”. Vo camelas ca pi phuv te beșen sea le manușa cai țârdenas-pe catar o Adam hai i Eva, manușa perfecți cai așunen lestar, hai cai avenas te cheren i phuv iech paradiso. Cana va avela te pherel pesco scopo, o Iehova si sar cana va phenela, „Omega”. Pala so „sas-le terminime le ceruri hai i phuv hai sea so sas ande lende”, o Iehova dea iech garanția. Vo dea amen i garanția că cana va terminila-pe o efta-to ghies va pherela ciaces pesco scopo anda le manușa hai i phuv. w23.11 5 ¶13, 14