Zaburi

143 Ewe Yehova, niwumve isengesho ryanje+;

Tega ugutwi ukwinginga kwanje+.

Mu bwizigirwa bwawe, nunyishure mu bugororotsi bwawe+.

 2 Kandi ntujane mu rubanza umusavyi wawe ngo muburane+;

Kuko ata muzima n’umwe ashobora kuba umugororotsi imbere yawe+.

 3 Kuko umwansi yankurikiranye+;

Yajanjaguye ubuzima bwanje gushika hasi+.

Yatumye mba mu bibanza vy’umwiza nk’abapfuye ku bw’igihe kitagira urugero+.

 4 Kandi umushaha wanje+ uradendebukiwe muri jewe;

Hagati muri jewe, umutima wanje uratimvye+.

 5 Nibutse imisi ya kera+;

Nazirikanye igikorwa cawe cose+;

Nagumye nitwararitse igikorwa c’amaboko yawe ndabikunze+.

 6 Nagusanziye amaboko yanje+;

Kuri wewe umutima wanje umeze nk’igihugu kirushe+. Sela.

 7 Nunyaruke, nunyishure, ewe Yehova+!

Inkomezi zanje zirarangiye*+.

Mu maso hawe ntuhampishe+,

Ahandiho noca mera nk’abamanuka mu cobo+.

 8 Mu gitondo nutume numva ubuntu bwuzuye urukundo bwawe+,

Kuko muri wewe ari ho nashize ivyizigiro vyanje+.

Numenyeshe inzira nkwiye kugenderamwo+,

Kuko nakirurukije umutima wanje kuri wewe+.

 9 Nundokore unkize abansi banje, ewe Yehova+!

Nanyegeye iwawe+.

10 Nyigisha gukora ukugomba kwawe+,

Kuko uri Imana yanje+.

Impwemu yawe ni nziza+;

Ninyobore mu gihugu c’ukugororoka+.

11 Ku bw’izina ryawe+, ewe Yehova, nunzigame+.

Mu bugororotsi bwawe+, nukure ubuzima bwanje mu marushwa+.

12 Mu buntu bwuzuye urukundo bwawe, nunumye abansi banje+;

Nurandure abo bose banka ubuzima bwanje+,

Kuko ndi umusavyi wawe+.