Zaburi

41 Hahiriwe uwitwararika umuntu mutoyi+.

Ku musi w’ivyago Yehova azomukiza+.

 2 Yehova ubwiwe azomurinda, amuzigamire ubuzima+.

Azokwitwa umuhirwe mw’isi+;

Kandi ntiwoshobora kumuha abansi biwe ngo bamugire uko bagomba+.

 3 Yehova ubwiwe azomushigikira ku busaswa arwariyeko+;

Igitanda ciwe cose ntuzobura kugihindura mu gihe c’indwara yiwe+.

 4 Nayo jewe, navuze nti: “Ewe Yehova, ngirira ubutoni+.

Nkiza, kuko nagucumuyeko+.”

 5 Nayo abansi banje, bavuga ibibi ku binyerekeye+ ngo:

“Azopfa ryari ngo izina ryiwe rizimangane buhere?”

 6 Kandi nihagira uwuza kundaba, ububeshi ni bwo umutima wiwe uzovuga+;

Azorundarunda ibintu bibi;

Azosohoka, abivugire hanze+.

 7 Abanyanka bose barongoreranira bangiriye urunani+;

Baguma bangīra umugambi wo kunkorera ikibi+, ngo:

 8 “Ikintu c’imburakimazi gisutswe kuri we+;

Ubu ko aryamye, ntazokwongera guhaguruka+.”

 9 Kandi umuntu yabana amahoro nanje, uwo nari nizigiye+,

Uwarya ku mukate wanje+, andugirije igitsintsiri+.

10 Nayo wewe, ewe Yehova, ngirira ubutoni umpagurutse+,

Kugira ngo ndabishure+.

11 Iki ni co menyerako yuko wahimbawe nanje,

Ni uko umwansi wanje atiha akaruru k’intsinzi anyigambako+.

12 Nayo jewe, kubera ugutungana kwanje waranshigikiye+,

Kandi uzonshira imbere y’amaso yawe gushika igihe kitagira urugero+.

13 Hahezagirwe Yehova Imana ya Isirayeli+

Kuva igihe kitagira urugero no gushika igihe kitagira urugero+.

Amen kandi Amen+.