15 Yehova Imana ya ba sekuruza yaguma ababurira biciye ku ntumwa ziwe, akababurira incuro n’izindi, kuko yumvira impuhwe abantu biwe n’urusengero rwiwe*. 16 Mugabo baguma bashinyagurira izo ntumwa z’Imana y’ukuri+, bagasuzugura ivyo ibabwiye+ bakongera bagatwenga abahanuzi bayo+, gushika aho bataba bakivayo*. Maze ishavu rya Yehova riza ku bantu biwe+.

24 Mugabo ntibumvirije canke ngo batege ugutwi+, ahubwo bisunze imigambi* yabo mibi, bakurikira umutima wabo mubi babigiranye akagagazo+. Basubiye inyuma aho kuja imbere. 25 Vyabaye ukwo kuva umusi ba sogokuruza banyu bava mu gihugu ca Misiri gushika n’uyu musi+. Nagumye rero ndabatumako abasavyi banje bose b’abahanuzi, nkabatuma buri musi, incuro n’izindi*+. 26 Mugabo baranse kunyumviriza, ntibatega ugutwi+. Babaye intagondwa* bakora ibibi kurusha ba sekuruza babo.

15 Nagumye ndabatumako abasavyi banje bose b’abahanuzi incuro n’izindi*+, nkavuga nti: “Ndabasavye, umwe wese ahindukire ahebe ingeso ziwe mbi+, akore ibigororotse. Ntimukurikire izindi mana kandi ntimuzisenge*. Muzoheza mubandanye kuba mu gihugu nabahaye mwe na ba sogokuruza banyu+.” Ariko ntimwateze ugutwi canke ngo munyumvirize.