11 Mugabo umwami Salomo akunda abagore benshi b’abanyamahangakazi+ hampande y’umukobwa wa Farawo+: uri Abanyamowabukazi+, Abamonikazi+, Abanyedomukazi, Abanyasidonikazi+ n’Abahetikazi+. 2 Ng’ibi ivyo Yehova yari yarabwiye Abisirayeli ku bijanye n’abava muri ayo mahanga: «Ntimuze mugirane imigenderanire* kuko batazobura guhindura imitima yanyu, mugakurikira imana zabo+.» Mugabo Salomo yarabakunze, arabumirako*. 3 Yari afise abagore 700 b’abamikazi* n’incoreke 300. Abo bagore biwe bagiye barahindura umutima wiwe buhorobuhoro*.