21 Dia hoy i Jehovah tamin’i Mosesy: “Nomeko hery hanaovana fahagagana ianao. Koa rehefa tafaverina any Ejipta ianao, dia tena ataovy eo anatrehan’i Farao ireny fahagagana rehetra ireny.+ Fa izaho kosa hamela azy* hiziriziry amin’ny heviny,+ ka tsy halefany ny vahoaka.+

13 Na izany aza, dia niziriziry tamin’ny heviny i Farao+ ka tsy nihaino azy mirahalahy, araka ny efa nolazain’i Jehovah.

22 Nanao toy izany koa anefa ireo mpisorona mpanao sikidy tao Ejipta, izay nampiasa hery miafina.+ Koa mbola niziriziry tamin’ny heviny ihany i Farao, ka tsy nihaino azy mirahalahy, araka ny efa nolazain’i Jehovah.+

15 Rehefa hitan’i Farao fa efa afaka ilay loza, dia niziriziry tamin’ny heviny* izy.+ Tsy nety nihaino azy roa lahy izy, araka ny efa nolazain’i Jehovah.

19 Koa niteny tamin’i Farao ireo mpisorona mpanao sikidy hoe: “Tena rantsantanan’Andriamanitra ity!”+ Mbola niziriziry tamin’ny heviny foana anefa i Farao* ka tsy nihaino azy roa lahy, araka ny efa nolazain’i Jehovah.

12 Navelan’i Jehovah hiziriziry tamin’ny heviny anefa i Farao.* Tsy nihaino azy roa lahy izy, araka ny efa nolazain’i Jehovah tamin’i Mosesy.+

35 Ary mbola mafy loha ihany i Farao ka tsy nandefa ny Israelita, araka ny efa nolazain’i Jehovah tamin’ny alalan’i Mosesy.+

20 Navelan’i Jehovah hiziriziry tamin’ny heviny+ anefa i Farao,* ka tsy nalefany ny Israelita.

27 Koa navelan’i Jehovah hiziriziry tamin’ny heviny i Farao, ka tsy nanaiky handefa an’ireo Israelita.+

10 Nanao an’izany fahagagana rehetra izany teo anatrehan’i Farao i Mosesy sy Arona.+ Navelan’i Jehovah hiziriziry tamin’ny heviny anefa i Farao,* ka tsy nalefany hiala tao amin’ny taniny ny Israelita.+

8 Koa navelan’i Jehovah hiziriziry tamin’ny heviny i Farao mpanjakan’i Ejipta, ka nanenjika an’ireo Israelita. Ny Israelita kosa tsy natahotra* rehefa niala tany.+

17 Fa hoy ny Soratra Masina momba an’i Farao: “Izao no tena antony namelako anao ho velona: Mba hampisehoana aminao ny heriko sy mba hanambarana ny anarako eran-tany.”+ 18 Izay tiany hamindrana fo àry no amindrany fo, fa avelany ho mafy loha kosa izay tiany ho mafy loha.+