31 Nzoshinga urubibe rwanyu kuva ku kiyaga Gitukura gushika ku kiyaga c’Abafilisitiya, no kuva mu bugaragwa gushika kuri rwa ruzi runini*+. Nzotuma mutsinda ababa muri ico gihugu kandi muzobirukana bababise+. 32 Ntimuze mugiranire isezerano na bo canke imana zabo+. 33 Ntibaze babe mu gihugu canyu kuko bohava batuma muncumurako. Nimwaramuka musenze imana zabo bizobabera umutego+.»

3 Ntimuze mwunge ubucuti bwo guhana abageni*. Abakobwa banyu ntimuze mubahe abahungu babo kandi n’abahungu banyu ntimuze mubasabire abakobwa babo+. 4 Kuko bazobuza abahungu banyu kunkurikira, bakabosha gusenga* izindi mana+. Yehova azoca abashavurira cane kandi azoca abazimanganya bidatevye+.

12 «Mugabo nimwaramuka mumuhevye mukifatanya n’abo mu mahanga asigaye+ mu gihugu, mugahana abageni+ mukongera mukagenderanira, 13 mumenye neza ko Yehova Imana yanyu atazobandanya kwomora ayo mahanga ku bwanyu+. Ayo mahanga azobabera nk’umutego n’urusenga bategesha, nk’ikimoko kibakubita mu mbavu+. Azobabera kandi nk’amahwa mu maso yanyu, gushika muzimanganye muri iki gihugu ciza Yehova Imana yanyu yabahaye.

2 Na mwebwe ntimuze mugirane isezerano n’ababa muri iki gihugu+ kandi muze musiturire hasi ibicaniro vyabo+.” Mugabo ntimwanyumviye+. Ivyo mwabikoreye iki? 3 Ni co gituma navuze kandi nti: “Sinzobomora ngo bababise+. Bazobabera umutego+, babakwegakwege ngo musenge imana zabo+.”»