5 ‘Izaho no nanao ny tany sy ny olombelona ary ny biby eny ambonin’ny tany. Tamin’ny heriko lehibe sy ny sandriko mahery no nanaovako an’izany, ka izay tiako homena azy* no omeko azy.+

26 Izao no tenin’i Jehovah Tompo Fara Tampony: ‘Esory ny fehilohan’ny mpanjaka, ary tsoahy ny satroboninahitra.+ Efa hiova ny zava-drehetra.+ Ataovy misandratra ny olona ambany,+ dia ataovy mietry ny olona ambony.+ 27 Horavako, horavako, horavako izany,* ka tsy ho lasan’iza na iza mihitsy, mandra-pahatongan’ilay manana zo ara-dalàna hahazo an’izany.+ Dia homeko azy izany.’+

13 “Mbola nijery ihany aho, tao amin’ilay fahitana hitako tamin’ny alina. Dia iny nisy hoatran’ny zanak’olona+ nanatona, niaraka tamin’ny rahon’ny lanitra. Nahazo alalana hankeo amin’Ilay Efa Nisy Hatry ny Ela Be+ izy, ka nentina teo anatrehany. 14 Ary nomena fitondrana+ sy voninahitra+ ary fanjakana izy, ka tokony hanompo azy daholo ny vahoaka sy ny firenena ary ny olona samy hafa fiteny.+ Ny fitondrany dia fitondrana haharitra mandrakizay fa tsy handalo fotsiny, ary ny fanjakany tsy ho rava.+

32 Hiavaka izy+ ka hantsoina hoe Zanaky ny Avo Indrindra,+ ary homen’i Jehovah* Andriamanitra azy ny seza fiandrianan’i Davida rainy.+ 33 Dia ho Mpanjaka eo amin’ny taranak’i Jakoba mandrakizay izy, ary tsy hifarana mihitsy ny Fanjakany.”+