Zaburi

82 Imana ihagaze mw’ikoraniro+ rya Nyenubumana+;

Icira imanza hagati y’imana+ iti:

 2 “Muzogeza ryari kuguma muca imanza mu karenganyo+

No kugira nkunzi ku babisha+? Sela.

 3 Nimubere abacamanza umuntu mutoyi n’impfuvyi*+.

Nimutunganirize umurushwa na ntahonikora+.

 4 Nimukize umuntu mutoyi be n’umworo+;

Nimubarokore mu kuboko kw’ababisha+.”

 5 Nta co bamenye, kandi ntibatahura+;

Baguma bagendagenda mu mwiza+;

Imishinge yose y’isi iranyiganyizwa+.

 6 “Jewe naravuze nti: ‘Muri imana+,

Kandi mwese muri abana ba Musumbavyose+.

 7 Ni ukuri muzopfa nk’uko abantu bapfa+;

Kandi nk’uko umuganwa wese agwa ni ko muzogwa+!’”

 8 Haguruka, Mana we, ucire imanza isi+;

Kuko ari wewe ukwiye kwigabira amahanga yose+.